Nókis qalasındaǵı 1-sanlı texnikumda Ózbekstan Respublikası Prezidentiniń PQ-316-sanlı qararı hám Ministrler Kabinetiniń 152-sanlı qararına muwapıq «Jańa Ózbekstan dóretiwshileri – 2026» Professional sheberlik milliy tańlawınıń máhálle kesimindegi birinshi basqıshına start berildi.
Ilajda Qaraqalpaqstan Respublikası Ministrler Keńesi, Jaslar isleri agentligi, Máhálleler awqamı, Nókis qalası hákimligi, Kásiplik bilimlendiriw agentligi hám birge islesiwshi shólkemlerdiń wákilleri qatnastı.
Tańlaw jaslardıń kásiplik sheberligin arttırıw, ámeliy kónlikpelerin kórsetiw hám maman kadrlardı tayarlawǵa xızmet etedi.
Qaraqalpaqstan Respublikasınıń barlıq qala hám rayonlarınan 10 kásip baǵdarı boyınsha jámi 5 584 jas qatnasıw tilegin bildirgen.
Saltanatlı ashılıw máresimi kóterińki ruwxta ótip, jaslardı jańa jetiskenliklerge qaray ruwxlandırdı. Tańlaw jaslardıń kásiplik potencialın júzege shıǵarıw hám olardı qollap-quwatlawda ayrıqsha áhmiyetke iye.
