2026-jıl 15-aprel kúni 1-sanlı Nókis Abu Ali ibn Sino Jámiyetlik salamatlıq texnikumında Prezidentimizdiń 33-sanlı pármanınıń orınlanıwı boyınsha «Hayal-qızlar hám balalar huqıqların qorǵaw, kúsh kórsetiw hám zorlıqtıń aldın alıw» atamasında úgit-násiyat ilajı ótkerildi.
Ilajda Ózbekstan «Milliy tiklanish» demokratiyalıq partiyası baslıǵınıń orınbasarı F.Muhammadjanova, Qaraqalpaqstan Respublikası Ministrler Keńesiniń Shańaraq hám hayal-qızlar máseleleri boyınsha sekretariatı baslıǵı B.Ayımbetova hám Qaraqalpaqstan Respublikası kásiplik bilimlendiriw agentligi qánigesi M.Bekimbetovalar qatnastı.
Ushırasıw dawamında pármannıń mazmun-mánisi, hayal-qızlar hám balalar huqıqların qorǵaw, erte nekelerdiń unamsız aqıbetleri, zorlıqqa qarsı mawasasız ortalıqtı qáliplestiriw hám huqıqıy qorǵaw mexanizmleri keń túrde túsindirildi. Sonday-aq, «Jol kartası» tiykarında ámelge asırılatuǵın ilajlar hám juwapker basshılardıń juwapkershiligi ayrıqsha atap ótildi.
Ilaj sońında student-jaslar ózlerin qızıqtırǵan sorawlarǵa qánigelerden juwaplar aldı. Sonday-aq, texnikumda hayal-qızlar máseleleri boyınsha jumıslardı kúsheytiw hám «Qorǵaw orderi»n alıw tártipleri boyınsha túsinikler berildi.
